Friday, February 1, 2013

ඔබ සහ මම


ඔබ


ලස්සන කතාවක් කියනවා වගේ
එක හුස්මට කියවගෙන ගියා



මම

ඒ ලස්සන කතාවට හූමිටි තිය තිය
අහගෙන හිටියා

ඔබ

හීන් මුදු සුවඳක් එක්ක කාමරයම පුරවන්
හිමින් සැරේ ගෙට ගොඩ උනා

මම

දහඩිය ඟඳ එක්ක ගෙදරට ගොඩවෙනකන්
බලාගනෙ හිටියා ඒ සුවඳ විඳගන්න

ඔබ

සුව පහසු ඇඳේ පැත්තකට හැරිලා 
හරි සනීපෙට නින්දට යනවා

මම

රෑ පුරාම හූල්ල හූල්ල ඔබ ලඟින් වැතිරිලා
කඳුලු බොනවා

ඔබ

දකින ලස්සන ලස්සන හීන වලට
හීනෙන් හීනා වෙනවා

මම

දැකපු හීන වලට හිනා වෙන දිහා
වෙන කරන්න දෙයක් නැතුව බලන් ඉන්නවා.

ඔබ

දුර ගමනක් යන්න ආවත්
අතරමග නැවතිලා ඉන්නවා

මම

නවතින්න බැරි නිසා 
ඒ ගමන තනියෙම යනවා.