අහිමි බව

                         ඉරගල වැටුන විට මහ කන්දෙන් එපිට

                         තෝපා වැවේ වැව් දිය සිඳුනි අකලට

                         යලට වැපිරු කුඹරේ පැල රකින්නට

                         හැකිවෙද හෙටත් රෑ පැල් කවි කියන්නට

                         බිම්මල් පිපි හිනැහීගෙන බලාඋනි

                         කණමැදිරියන් කෑ ගසමින් රෑන් උනි

                         කළුවර මැදින් නුඹ ඇවිදින් සිනාසුණි

                         සිනහ වෙන්න නම් මට අමතකම වුණි

                         සිපද රාවයක් සවනත වැකෙන කොට

                         එගොඩහ ගොඩේ පන්දම් එළි ඇඳෙන කොට

                         මී මැසි කැලත විත් ගෙයි මැසි බඳින කල

                         නොසිතුව එකයි පුදුමය නුඹ අහිමි බව.