කොළඹ ට්‍රැපික්

කෝට්ටේ ඉඳන් පිටකොටුවට           යාම

ගතවෙන වැඩක් වේ පැය ගණනක් බෝම

දවසින් භාගයක් ඉඳ බස්              රථයේම

වෙලාවකට වැඩකට යන්නේ         කෝම

පිබිදෙන නමුත් කුකුළා අත්රුවා        ගෙන

වැඩකට යනෙන විට සැඩ හිරු මුදුන් වෙන

පාර තමයි වත්මන මළ පනින            තැන

කවි ලියවෙනවා වාහන තදබදය         ගැන

මුළුදුර ගමන එපමණ දුරකුත්       නෑනේ

පොඩිදුර ගියත් ආයෙත්    නවතිනවානේ

දූවිලි වැලි බොරළු හා ගල් කැට    ගානේ

ඉබි ගමනින් තමයි දැන් බස් රථ යන්නේ

ප්‍රශ්නෙට කොපමණක් විසඳුම් දුන්නාට

කොතරම් ගුවන් පාලම් තව     හැදුවාට

වාහන වලට බදු වැඩිකර        ගැසුවාට

මේ තදබදය පවතියි දිවි            පුරාවට